संविधान संशोधनबारे सार्वजनिक रूपमा बहस हुनुपर्छः मनिष झा

काठमाडौं । राष्ट्रिय स्वतन्त्र पार्टी (रास्वपा)का सांसद मनिष झाले संविधान संशोधनको विषयमा सार्वजनिक रूपमा बहस गर्नुपर्ने बताएका छन् । आइतबार प्रतिनिधिसभा बैठकपछि सञ्चारकर्मीसँग कुराकानी गर्दै सांसद झाले संविधान संशोधनका बुँदाहरूबारे सार्वजनिक रूपमा बहस गर्नुपर्ने बताएका हुन् ।

उनले दुई पार्टीका दुई वृद्ध नेताले व्यापारीको घरमा बसेर गरेको सहमति देशले स्वीर्कानुपर्ने बाध्यता नरहेको बताए । संविधान संशोधनमा संलग्न बुँदा पनि सार्वजनिक गर्नुपर्ने र त्यसलाई सार्वजनिक रूपमा बहस गर्नुपर्ने उनको भनाइ छ ।

उनले संविधान संशोधनले आगामी पुस्ताको जीवनमा समेत प्रभाव पार्ने भएकाले यस विषयमा सर्वपक्षीय बहस हुनुपर्ने बताए ।