- २० जेष्ठ २०८३, बुधबार / Jun 3, 2026
महोत्तरीमा बालक अपहरण प्रयास भएको घटना
८ वर्षीय बालकलाई मोटरसाइकलमा लगिँदै गर्दा स्थानीयले रोके
अपहरणकारीहरूले बालकलाई छाडेर भागेका थिए
फरार अभियुक्त नवराज अधिकारी रौतहटबाट पक्राउ
अपहरणमा प्रयोग भएको मोटरसाइकल बरामद
थप अनुसन्धानका लागि ६ दिनको म्याद थप
प्रहरीद्वारा अनुसन्धान जारी
महोत्तरी, २० जेठ । महोत्तरीमा बालक अपहरण प्रयासमा संलग्न एक फरार अभियुक्तलाई प्रहरीले रौतहटबाट पक्राउ गरेको छ। पक्राउ पर्नेमा रौतहटको गढीमाई नगरपालिका–७ निवासी २३ वर्षीय नवराज अधिकारी रहेका छन्।
गत वैशाख ७ गते दिउँसो करिब २ बजे महोत्तरीबाट तीन जना अज्ञात व्यक्तिले नम्बर नखुलेको मोटरसाइकलमा ८ वर्षीय बालकलाई अपहरण गरी लैजाँदै गर्दा स्थानीयले देखेर रोक्ने प्रयास गरेका थिए।
स्थानीयले अवरोध गरेपछि अपहरणकारीहरूले बालकलाई सोही स्थानमा छाडेर फरार भएका थिए।प्रहरीले घटनापछि अनुसन्धान गर्दै अपहरणमा प्रयोग भएको ना ६४ प ७९९० नम्बरको मोटरसाइकल बरामद गरेको थियो।
उक्त घटनामा संलग्नमध्ये फरार रहेका नवराज अधिकारीलाई प्रहरीले हालै पक्राउ गरेको जिल्ला प्रहरी कार्यालय महोत्तरीले जनाएको छ। पक्राउ परेका अधिकारीलाई थप अनुसन्धानका लागि ६ दिनको म्याद थप गरिएको छ।
