- २६ असार २०८३, शुक्रबार / Jul 10, 2026
काठमाडौं, २९ चैत्र । अखिल नेपाल किसान महासङ्घ (क्रान्तिकारी केन्द्र) ले देशभर रासायनिक मलको अभाव भएको भन्दै आपूर्ति सुनिश्चित गर्न सरकारसँग माग गरेको छ ।
महासङ्घले आइतबार जारी गरेको विज्ञप्तिमा धान, मकै, कोदो तथा तरकारी खेतीका लागि अत्यन्त संवेदनशील समयमा मल अभाव भएको उल्लेख गरेको छ । यसले किसानहरूलाई खेतीपाती छोडेर मलका लागि लाइन बस्नुपर्ने र चर्को मूल्यमा किन्नुपर्ने बाध्यता सिर्जना गरेको जनाएको छ ।
“धान, मकै र कोदो जस्ता बालीहरूले राष्ट्रिय अर्थतन्त्र र खाद्य सुरक्षामा प्रत्यक्ष प्रभाव पार्छन् । यस्ता महत्वपूर्ण समयमा मल अभाव हुनु दुर्भाग्यपूर्ण हो,” विज्ञप्तिमा उल्लेख गरिएको छ ।
महासङ्घले कालोबजारी नियन्त्रण गर्न, दीर्घकालीन समाधानको योजना बनाउन तथा साना किसानलाई प्राथमिकताका आधारमा मल वितरण गर्न पनि सरकारसँग आग्रह गरेको छ ।
