मल कारखाना खोल्ने अर्थमन्त्रीको घोषणा

काठमाडौँ । सरकारले आगामी आर्थिक वर्षमा मुलुकमै रासायनिक मल उद्योग खोल्ने प्रक्रिया सुरु गर्ने घोषणा गरेको छ ।

आर्थिक वर्ष २०८१, ८२ को बजेटको सिद्धान्त र प्राथमिकताबारे संसदमा प्रस्तुत गर्दै अर्थमन्त्री डा. प्रकाशशरण महतले रासायनिक मल उद्योग स्थापनाका लागि आवश्यक प्रक्रिया थालनी गर्ने बताए ।

रासायनिक मलको दिगो आपूर्तिको व्यवस्था मिलाउने घोषणा गरेका उनले प्राकृतिक र प्राङ्गारिक खेतीलाई प्रोत्साहन गर्नेमा जोड दिए ।