भर्खरै : Sorry, your browser does not support inline SVG.
पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त | काठमाडौं विश्वकै तेस्रो प्रदूषित सहर, प्रदूषण नियन्त्रणको कार्ययोजना सार्वजनिक गर्दै महानगर |

दसैँअघि नै मालढुङ्गा पुल सञ्चालनमा ल्याउने तयारी, २४सै घण्टा मर्मत

दसैँअघि नै मालढुङ्गा पुल सञ्चालनमा ल्याउने तयारी, २४सै घण्टा मर्मत

काठमाडौँ, २१ असाेज । कालीगण्डकी नदीमा आएको बाढीले क्षति पुर्‍याएको बागलुङ–पर्वत जोड्ने मालढुङ्गा पुल दसैँअघि नै सञ्चालनमा ल्याउने गरी मर्मतको काम तीव्र पारिएको छ ।

गत असोज ११ गते आएको बाढीले पुलको पहुँचमार्गमा क्षति पुर्‍याएपछि बागलुङ र पर्वतबीचको नियमित आवतजावत प्रभावित भएको थियो । सडक डिभिजन कार्यालय पोखराले चाडपर्वअघि नै पुल सञ्चालनमा ल्याउने लक्ष्यसहित २४सै घण्टा मर्मतको काम गरिरहेको जनाएको छ ।

एक सय १४ मिटर लामो मालढुङ्गा पुलको पहुँचमार्गतर्फ करिब ३० मिटर सडक बाढीले क्षति पुर्‍याएको छ । क्षतिपछि करिब १० दिनसम्म दुई जिल्लाबीचको मुख्य सडक सम्पर्क प्रभावित बनेको थियो । अहिले मालढुङ्गा–बेनी हुँदै बागलुङ पुग्ने तथा पर्वतको फलेवास–जैमिनीघाट हुँदै बागलुङ जाने वैकल्पिक मार्गबाट यातायात सञ्चालन भइरहेको छ ।

सडक डिभिजन कार्यालयका अनुसार मर्मत कार्य तीव्र गतिमा भइरहेकाले अबको केही दिनमै पुल सञ्चालनमा ल्याउने तयारी छ ।मालढुङ्गा पुल बागलुङलाई राष्ट्रिय राजमार्गसँग जोड्ने महत्वपूर्ण संरचना हो । यही क्षेत्रबाट कालीगण्डकी करिडोर र मध्यपहाडी लोकमार्गसमेत जोडिने भएकाले पुल सञ्चालन नहुँदा बागलुङसहित रुकुम र रोल्पातर्फको यातायातमा समेत असर परेको छ ।

चाडपर्व नजिकिँदै गर्दा बागलुङमा खाद्यान्न, ग्यासलगायत दैनिक उपभोग्य वस्तुको आपूर्तिमा समेत समस्या देखिन थालेपछि पुल तत्काल सञ्चालनमा ल्याउन दबाब बढेको छ ।

सडक डिभिजन कार्यालय पोखराका प्रमुख हरि सुवेदीले चाडपर्वलाई ध्यानमा राख्दै आवश्यक परे २४सै घण्टा काम गरेर भए पनि पुल छिटो सञ्चालनमा ल्याउने प्रयास भइरहेको बताउनुभएको छ ।

 


Thali Mobile Pvt.Ltd.