- २६ असार २०८३, शुक्रबार / Jul 10, 2026
वीरगञ्ज, २० फागुन । पर्सा क्षेत्र नं. २ का नेपाल कम्युनिस्ट पार्टी (नेकपा)का उम्मेदवार मनोज चौधरी पक्राउ परेका छन् । नियमित सुरक्षा जाँचका क्रममा उनलाई नियन्त्रणमा लिइएको प्रहरीले जनाएको छ ।
जिल्ला प्रहरी कार्यालय पर्साका प्रवक्ता डिएसपी हरि बहादुर बस्नेतका अनुसार बडनिहार क्षेत्रमा चौधरी सवार गाडी रोकेर जाँच गर्दा चौधरीसहित चार जनालाई नियन्त्रणमा लिइएको हो ।
प्रहरीका अनुसार गाडीबाट केही शंकास्पद वस्तु पनि फेला परेको छ । सुरक्षा संवेदनशीलतालाई ध्यानमा राख्दै उक्त क्षेत्रमा थप निगरानी बढाइएको र घेराबन्दी गरिएको जनाइएको छ ।
मनोज चौधरी पक्राउ प्रकरणबारे विस्तृत अनुसन्धान भइरहेको प्रहरीले जनाएको छ । घटनाबारे थप विवरण पत्रकार सम्मेलनमार्फत सार्वजनिक गरिने बताइएको छ ।
यसैबीच प्रतिनिधिसभा निर्वाचन नजिकिँदै गर्दा जनता समाजवादी पार्टी (जसपा) नेपालका सिरहा क्षेत्र नं. ३ का उम्मेदवार अशेश्वर यादव पनि पक्राउ परेका छन् । मौन अवधिमा नगदसहित भेटिएपछि उनलाई नियन्त्रणमा लिइएको प्रहरीले जनाएको छ ।
