- २ आश्विन २०८३, शुक्रबार / Sep 18, 2026
काठमाडौं, २९ वैशाख । नयाँ वर्षको सुरुवातसँगै नेपाली संगीत प्रेमीहरूका लागि एउटा आत्मीय र भावनात्मक कोशेली सार्वजनिक भएको छ। “मेरी हजुर” शीर्षकमा सार्वजनिक भएकाे गीतले प्रेम, समर्पण र आत्मीय सम्बन्धको कथा बुनेकाे छ ।
गीतमा लोकप्रिय गायक सुरज पण्डित र सुमधुर स्वरकी धनी मेलिना राईको युगल स्वरले रहेकाे छ । बाबु बिनोदका मर्मस्पर्शी शब्दहरूले गीतलाई जीवन दिएका छन् भने सुरज पण्डितकै संगीत र कुशल सिंह निलको संगीत संयोजन रहेको छ।
गीतको अडियो पक्षलाई अझ सशक्त बनाउन गोविन्द अनेक र कमल थापा मगरले रेकर्डिङ गरेका छन् भने श्यामश्वेत रसाइलीले मिक्सिङ र मास्टरिङ गरेका छन्। अडियो रेकर्डिङ प्रिज्मा स्टुडियोमा गरिएको हो। श्यामश्वेत रसाइलीको मिक्सिङ र मास्टरिङले गीतको अडियो पक्षलाई अझ प्रखर बनाएको छ।
भिडियोमा गीता ढुंगाना र बाबु बिनोदको सशक्त अभिनय देख्न सकिन्छ। विशाल घिमिरेको निर्देशनमा तयार भएको भिडियोमा प्रेमको संवेदनशीलता र यथार्थ चित्रण गरिएको छ। बुद्ध थापाको सिनेमाटोग्राफी, अमृत चापागाईंको सम्पादन र रङ संयोजनले भिडियोको दृश्यात्मक सौन्दर्यमा नयाँ उचाइ थपेकाे छ ।
सरिता मगरको मेकअप, सुशील गैरेको निर्माण, र नाथुनी जयसवालको प्रोडक्सन व्यवस्थापनले प्राविधिक पक्षलाई सुदृढ बनाएकाे छ । “मेरी हजुर” केवल एउटा गीत मात्र नभएर प्रेमको अनुभूति, स्मृति र आत्मीयताको अभिव्यक्ति पनि हो। गीतले संगीतमा लुकेको भावना बोलेको छ-जुन कुरा शब्दभन्दा गहिरो हुन्छ।
