- ६ भाद्र २०८३, शनिबार / Aug 22, 2026
काठमाण्डौ । अब विद्यार्थीहरूको फारम दस्तुर फिर्ता हुने भएको छ । चिकित्सा शिक्षा आयोगले कक्षा १२ को नतिजामा एनजी अर्थात् नन ग्रेड आएका विद्यार्थीहरुको फारम दस्तुर फिर्ता हुने भएको हो ।
तोकिएको न्यूनतम शैक्षिक योग्यता पूरा नगरेका आवेदकको आवेदन फारम रद्द गरी आवेदन फारम भर्दा बुझाएको परीक्षा दस्तुर रकम आयोगमा दाखिला गरेको प्रमाणसहित फिर्ता माग गरेमा सम्बन्धित परीक्षार्थीले फिर्ता पाउने आयोगले जनाएको छ ।
आयोगले यस वर्ष कक्षा १२ को नतिजा नआउँदै स्नातक तहको एकीकृत प्रवेश परीक्षाका लागि आवेदन खुलाएको थियो । भदौ १ गतेदेखि ५ गतेसम्म सञ्चालन हुने एकीकृत प्रवेश परीक्षाका लागि अनलाइन आवेदन दिएकाहरूमध्ये तोकिएको न्यूनतम शैक्षिक योग्यता पूरा नगरेका आवेदकहरूको परीक्षा दस्तुर फिर्ता हुनेछ ।
