- २ आश्विन २०८३, शुक्रबार / Sep 18, 2026
काठमाडौं । पाकिस्तानमा मङ्कीपक्सको पहिलो सङ्क्रमित भेटिएका छन् । खाडी देशबाट फर्किएका खैबर पख्तुनख्वाको मरदान जिल्लाका एक व्यक्तिमा एमपक्स सङ्क्रमण पुष्टि भएको स्वास्थ्य अधिकारीहरूले बताएका बीबीसीले जनाएको छ ।
पाकिस्तानको स्वास्थ्य मन्त्रालयका प्रवक्ताले सङ्क्रमित व्यक्ति क–कसको सम्पर्कमा आएका थिए भन्नेबारे पत्ता लगाउने काम भइरहेको बताएका छन् । यस्तै पाकिस्तानका प्रधानमन्त्री शहबाज शरिफले स्वास्थ्य मन्त्रालयलाई कुनै पनि स्थितिको सामना गर्नका लागि सतर्क रहन निर्देशन दिएको खबरमा उल्लेख छ ।
यसअघि स्विडेनमा एक जनामा एमपक्स सङ्क्रमण देखिएको थियो । अफ्रिकाका केही भागहरूमा एमपक्सको प्रकोप फैलिएपछि विश्व स्वास्थ्य सङ्गठन (डब्ल्यूएचओ) ले हिजो विश्वव्यापी आपत्कालको घोषणा गरेको थियो । एजेन्सी
