- २४ भाद्र २०८३, बुधबार / Sep 9, 2026
भक्तपुर । जिल्लामा कुकुर आतंक बढेपछि सूर्यविनायक नगरपालिकाले आफ्नो क्षेत्रभित्र रहेका सामुदायिक कुकरको बन्ध्याकरण तथा रेविज विरुद्धको खोप अभियान थालेको छ । नगरका १० वडाकै सामुदायिक कुकरहरु नियन्त्रणमा लिएर यो अभियान थालेको नगरपालिकाले जनाएको छ । सूर्यविनायक नगरपालिकाको आयोजना तथा मण्डला भेटेरिनरी हस्पिटल प्रालि खुमलटार ललितपुरको प्राविधिक सहयोगमा फागुन ९ गतेसम्म यो अभियान थालिएको नगर उप प्रमुख सरिता तिम्सिना भट्टराईले बताइन् ।
अभियानमा सूर्यविनायक नगरपालिकाका सबै वडाका वडा अध्यक्षहरुको सहभागितामा आफ्नो क्षेत्रका छाडा कुकुरहरुलाई नियन्त्रणमा लिएर बन्ध्याकरण अभियान सफलपार्न लागिपरेको उनको भनाइ छ । यसमा पशुपंक्षी विकास शाखाले नेतृत्व गरेको छ भने अभियान पाँच दिनसम्म संचालन हुने शाखा प्रमुख डा.मृनल शाक्यले बताइन् ।
कुकुर आतंक बढेकाे भनेर स्थानीयले नगरपालिकामा गुनासाे गरेपछि नगरले यसप्रति चाँसाे लिएर अभियान थालेकाे आर्थिक विकास समिति संयोजक पुष्पराज बस्नेतले बताए । नगरवासीको मागअनुसार नगरले अभियान थालेको उनको भनाइ छ ।
शुक्रबार याे समाचार तयार पार्खा सम्म ४० वटा कुकुरको बन्ध्याकरण तथा रेविजविरुद्धको भ्याक्सिन लगाइएको प्राविधिक प्रविण अधिकारीले बताए । उनका अनुसार दैनिक ६० बढी कुकुरको बन्ध्याकरण गरिने छ । वडा भित्रका सबै सामुदायिक कुकुरको बन्ध्याकरण गरिने वडाध्यक्ष प्रदिप अधिकारीले जानकारी दिए । यो अभियानमा जनप्रतिनिधिको पनि सक्रिय सहभागिता रहेको छ । स्थानीयले कुकुर नियन्त्रणमा लिन सहयोग गरेका थिए ।
कुकुरले स्थानीयलाई तथा बाटोहिड्ने बटुवालाई समेत दुःख दिएपछि कति दुर्घटनाको सिकार भएको स्थानीयले बताएका थिए । नगरपालिकाले कुकुर नियन्त्रणका लागि एक गाडीको व्यवस्था मिलाएको छ ।
तस्वीरमा…
