- २१ असार २०८३, आईतवार / Jul 5, 2026
काठमाडौं । नेपाली कथानक चलचित्र ‘नाङ्गो गाउँ’को टेलर सार्वजनिक गरिएको छ । चलचित्रले राजनीतिका कारण नाङ्गिदै गएको गाउँको अवस्थालाई चित्रण गरेको छ ।
दीपेन्द्र लामाको लेखन तथा निर्देशन रहेको चलचित्र भदौको २९ गतेबाट रिलिज हुन लागेको हो । चलचित्रमा दयाहाङ राई, मिरुना मगर, कर्मा, साम्राज्ञी राज्यलक्ष्मी शाहको मुख्य भूमिका छन् भने शिशिर वाङ्देल, वुद्दि तामाङ, विशाल पहारी, रविन्द्र झालगायत कलाकारको पनि अभिनय रहेको छ ।
यसअघि नै रिलिज भएका गीतमा किरण गजमेरको स्वर, राजेश अर्यालको शब्द र एसडी योगीको संगीत छ । राजनीतिक पृष्टभूमीमा निर्माण गरिएको चलचित्र ‘नाङ्गो गाउँ’को छायांकन काभ्रेको बेथानचोक गाउँपालिकामा गरिएको हो । गत चैत १० गतेबाट चलचित्रको छायांकन सुरु थियो ।
