- ३० आश्विन २०८३, शुक्रबार / Oct 16, 2026
काठमाण्डौ । हुलाक सेवा विभागले टिकट छपाइ शुुरु गरेको छ । नेपालमै हुलाक टिकट छाप्न जनक शिक्षा सामग्री केन्द्र लिमिटेडसँगको समन्वयमा टिकट छपाई सुरु भएको हो ।
नेपालमै टिकट छापिन थालेसँगै समय र लागत बचत भएको विभागले जनाएको छ । यसअघि भारत, इण्डोनेसिया लगायतका देशमा हुलाक टिकट छापेर ल्याउने गरिएको थियो ।
६४ वर्षपछि नेपालमै छापिएको हुलाक टिकट शुक्रबारदेखि प्रचलनमा आएको छ । सञ्चार तथा सूचना प्रविधिमन्त्री रेखा शर्माले जनक शिक्षा सामग्री केन्द्रमा मुद्रण गरिएका ११ प्रकारका हुलाक टिकटमा प्रकाशनको प्रथम दिवसीय टाँचा लगाएकी हुन ।
पहिलोपटक प्रचलनमा ल्याइएको हुलाक टिकट नेपालमै छापिएको थियो । सरकारी र औपचारिक कागजातमा हुलाक टिकटको प्रयोग हुने गरेको छ । २०१६ सालदेखि रोकिएको हुलाक टिकट छपाइ ६४ वर्षपछि पहिलोपटक नेपालमा छाप्न थालिएको विभागले जनाएको छ ।
