- २६ असार २०८३, शुक्रबार / Jul 10, 2026
काठमाडौँ, १५ चैत्र । नेपाली कांग्रेसका नेता तथा पूर्व ऊर्जामन्त्री दीपक खड्कालाई प्रहरीले पक्राउ गरेको छ।उहाँलाई आज बिहान काठमाडौँको महाराजगञ्ज क्षेत्रबाट केन्द्रीय अनुसन्धान ब्युरो (सीआईबी) ले नियन्त्रणमा लिएको हो।
सीआईबीका एआईजी मनोज केसीका अनुसार खड्कामाथि सम्पत्ति शुद्धीकरण (मनी लाउन्डरिङ) सम्बन्धी मुद्दामा अनुसन्धान भइरहेको छ। यसअघि जेनजी आन्दोलनका क्रममा उहाँको निवासमा भएको आगजनीपछि त्यहाँबाट नेपाली रुपैयाँसहित ठूलो परिमाणमा विदेशी मुद्रा फेला परेको दाबी गरिएको थियो।
सोही विषयलाई आधार बनाएर थप अनुसन्धान अघि बढाइएको जनाइएको छ। यस्तै, खड्कामाथि स्काउटको जग्गा हिनामिना गरेको आरोपसमेत लाग्दै आएको छ। प्रहरीले घटनासम्बन्धी थप अनुसन्धान जारी रहेको जनाएको छ।
