वैदेशिक रोजगारीमा जानेलाई विना धितो ऋण

काठमाडौं । वैदेशिक रोजगारीमा जाने श्रमिकलाई विना धितो नेपाल राष्ट्र बैंकले ऋण दिने भएको छ ।

शुक्रबार नेपाल राष्ट्र बैंकले सार्वजनिक गरेको चालु आर्थिक वर्ष २०८१, ०८२ को मौद्रिक नीतिले यस्तो व्यवस्था गरेको हो ।

वैदेशिक रोजगारीमा जान श्रम स्वीकृति लिएका व्यक्तिको बैंक खातामा रेमिट्यान्स पठाउने सुनिश्चितताका आधारमा विना धितो ऋण उपलब्ध गराउने मौद्रिक नीतिमा व्यवस्था गरिएको छ ।

गभर्नर महाप्रसाद अधिकारीले बजेट वक्तव्यमा उल्लेख भए अनुसार राष्ट्र बैंकले सो व्यवस्था गरेको बताए ।