- १५ जेष्ठ २०८३, शुक्रबार / May 29, 2026
कच्चा तेलको भाउ ४ वर्षयताकै उच्च
प्रतिब्यारेल मूल्य १२६ डलर पुगेको
इरान–अमेरिका–इजरायल तनाव मुख्य कारण
होर्मुज जलमार्गमा प्रभाव
ऊर्जा मूल्य अझै बढ्ने सम्भावना
काठमाण्डौ, १७ बैशाख । अमेरिका र इजरायलले इरानमा संयुक्त आक्रमण थालेपछि उत्पन्न क्षेत्रीय तनावका कारण एसियाली बजारमा कच्चा तेलको भाउ चार वर्षयताकै उच्च पुगेको छ।
पछिल्लो विवरणअनुसार कच्चा तेलको मूल्य प्रतिब्यारेल १२६ अमेरिकी डलर पुगेको छ, जुन सन् २०२२ को जुन महिनायताकै सबैभन्दा उच्च हो। त्यसबेला रुस–युक्रेन युद्ध का कारण मूल्य झण्डै १३० डलर प्रतिब्यारेलसम्म पुगेको थियो।
बीबीसीका अनुसार हालको मूल्य वृद्धिमा डोनाल्ड ट्रम्प को पछिल्लो अभिव्यक्तिले पनि प्रभाव पारेको छ। ट्रम्पले इरानका बन्दरगाहमा सैन्य नाकाबन्दी जारी रहने संकेत दिएका छन्। यसैबीच अमेरिकी सेन्ट्रल कमाण्डले इरानमाथि छोटो तर शक्तिशाली हवाई आक्रमण गर्ने योजना बनाएको बताइएको छ। यसले विशेषगरी होर्मुज जलमार्ग मा प्रत्यक्ष असर पारेको छ, जुन विश्वकै महत्त्वपूर्ण तेल ढुवानी मार्ग मानिन्छ।
शान्ति वार्ताका लागि पाकिस्तानले पहल गरिरहेको भए पनि अहिलेसम्म ठोस निष्कर्ष ननिस्किँदा बजारमा अनिश्चितता कायमै छ। यही कारण विश्वभर ऊर्जा मूल्य अझै बढ्न सक्ने अनुमान गरिएको छ।
