- २० जेष्ठ २०८३, बुधबार / Jun 3, 2026
एजेन्सी । पाकिस्तानका प्रधानमन्त्री शहबाज शरीफले संयुक्त राष्ट्र महासभामा सम्बोधन गर्दै अमेरिकी पूर्वराष्ट्रपति डोनाल्ड ट्रम्पले भारतसँगको सम्भावित युद्ध रोक्न निर्णायक भूमिका खेलेको बताएका छन् । उनले भनेका छन्, “ट्रम्पले भूमिका नखेलेकाे भए भारत-पाकिस्तानबीच विनाशकारी युद्ध भड्किन सक्थ्यो ।”
शहबाज शरीफले ट्रम्पलाई नोबेल शान्ति पुरस्कार दिनुपर्ने सुझाएका छन् किनभने उनले तनाव शान्त बनाउन महत्वपूर्ण पहल गरेको बताए । उनले थपे, “भारतले ट्रम्पको भूमिका अस्वीकार गरिरहेको बेला मैले राष्ट्रसंघमा यो कुरा उठाएँ ।” प्रधानमन्त्री शरीफले भारतले पहलगाम घटनालाई राजनीतिकरण गरेको आरोप लगाउँदै, पाकिस्तान वार्ता र संवादबाट समस्या समाधान गर्न इच्छुक रहेको बताए । उनले भने, “पाकिस्तानले आफ्नो सुरक्षा सुनिश्चित गर्नेछ र युद्धमा जित हासिल गरिसकेको छ । अब शान्ति चाहन्छौं र बाँकी सबै विषयमा भारतसँग प्रभावकारी वार्ता गर्न तयार छौं ।”
भारतले भने कुनै तेस्रो पक्षले संघर्ष रोक्न भूमिका खेलेको स्वीकार गरेको छैन । भारतीय विदेशमन्त्री एस जयशंकरले पनि द्विपक्षीय वार्तालै समाधानको बाटो रहेको बताइसकेका छन् । यसैबीच, भारतले पहलगाम घटनापछि ‘अपरेशन सिंदूर’ अन्तर्गत पाकिस्तानमा आतंकवादी शिविरहरू नष्ट गरेको दाबी गरेको छ ।
