- २८ श्रावण २०८३, बिहीबार / Aug 13, 2026
भक्तपुर । भक्तपुरको सूर्यविनायक नगरपालिका वडा नं ८ गणेश मन्दिर नजिकै प्याचा खेलिरहेको अवस्थामा प्रहरीले पाँच जनालाई पक्राउ गरेको छ ।
आज दिउसो प्रहरी वृत्त जगाती भक्तपुरबाट खटिएको प्रहरी टोलीले पैसासहित प्याचा खेल खेलिरहेको अवस्थामा उनीहरुलाई पक्राउ गरेको हो ।
पक्राउ परेकाहरुबाट ३ लाख ५६ हजार पाँच सय नगदसहित नियन्त्रणमा लिएको हो ।
अहिले थप अनुसन्धान कार्य भइरहेको जिल्ला प्रहरी परिसर भक्तपुरले जनाएको छ ।
पक्राउ पर्नेमा धादिङ गल्छी गाँउपालिका वडा न ६ घर भई हाल काठमाण्डौं बालुवाटार बस्ने बर्ष २८ का दिनेश दाहाल, भक्तपुर मध्यपुरठिमी नगरपालिका वडा नं ५ बस्ने बर्ष ४० का शिवराम श्रेष्ठ, वडा नं ५ बस्ने बर्ष ४३ का राजु नकर्मी, उमेश श्रेष्ठ र मध्यपुर ठिमी नगरपालिका वडा नं ५ कै ५३ बर्षिया पदम श्रेष्ठ रहेका छन् ।
