- ६ असार २०८३, शनिबार / Jun 20, 2026
सिंगापुर । सिंगापुरमा सम्पन्न संसदीय निर्वाचनमा पिपुल्स एक्सन पार्टीले अत्यधिक बहुमत प्राप्त गर्दै ९७ सदस्यीय संसदमा ८७ सिटमा विजय हासिल गरेको छ।प्रधानमन्त्री लरेन्स वोङ नेतृत्वको पार्टीले निरन्तर सत्ताको आफ्नो प्रभुत्व कायम राख्दै बलियो जनादेश पाएको हो।
जितपछि प्रधानमन्त्री वोङले जनताको विश्वासप्रति आभार व्यक्त गर्दै जनमतको सम्मान गर्ने प्रतिबद्धता जनाएका छन्। मुख्य प्रतिपक्षी वर्कर्स पार्टीले १० सिट जित्न सफल भएको छ। अन्य प्रतिस्पर्धी दलहरूले भने कुनै पनि सिट जित्न सकेनन्।
निर्वाचन विभागका अनुसार, २६ लाखभन्दा बढी मतदाताले १,२४० मतदान केन्द्रमार्फत मतदान गरेका थिए। सन् १९६५ देखि निरन्तर सत्तामा रहेको पीएपी ले यो निर्वाचनमार्फत पुनः आफ्नो वर्चस्व प्रमाणित गरेको छ।
