- २६ श्रावण २०८३, मंगलवार / Aug 11, 2026
पर्सा, २६ साउन । पर्साको पटेर्वा सुगौली गाउँपालिका–३ सोनबर्साबाट १०५ किलो लागुऔषध गाँजासहित एक जना भारतीय नागरिक पक्राउ परेका छन् ।
प्रहरीका अनुसार सोमबार राति करिब ९ बजे इलाका प्रहरी कार्यालय पटेर्वा सुगौली र इलाका प्रहरी कार्यालय ठोरीबाट खटिएको संयुक्त प्रहरी टोलीले ठूलो परिमाणमा गाँजासहित भारतीय नागरिकलाई पक्राउ गरेको हो ।
पक्राउ पर्नेमा भारतको बिहार राज्यअन्तर्गत बेतिया जिल्लाको उजहरुपरजिलवा भागा श्रीनगर–३ ठेगाना भएका करिब ५० वर्षीय सउरु चौधरी रहेका छन् ।
प्रहरी टोलीले विशेष सूचनाका आधारमा जाँच गर्ने क्रममा चौधरीको साथबाट १०५ किलो गाँजा बरामद गरेको जनाएको छ ।
