- ३ आश्विन २०८३, शनिबार / Sep 19, 2026
काठमाडौं । नागरिक उन्मुक्ति पार्टीको बहुमत सांसदले रञ्जिता श्रेष्ठलाई पार्टीको संसदीय दलको नेताबाट हटाइएका छन्। विवाद उत्कर्षमा पुगेपछि पहिले प्रदेशमा देखिएको विवाद अब केन्द्रमा छताछुल्ल भएको हो ।
प्रमुख सचेतक पदमा रहेका गंगाराम चौधरी डगौराको स्थानमा लालवीर चौधरीलाई प्रमुख सचेतक बनाउने निर्णय सर्वसम्मतिबाट पारित गरिएको नागरिक उन्मुक्ति पार्टीले जनाएको छ । आइतबार बसेको संसदीय दलको बैठकमा बहुमत सदस्यहरूको उपस्थितमा सो निर्णय गरिएको हो। संसदीय दलका नेताको पदमा रहेकी श्रेष्ठलाई हटाएर गंगाराम चौधरी डगौरालाई संसदीय दलको नेता चयन गरिएको छ।
यता प्रमुख सचेतक बनाइएका लालवीर चौधरीले भने संसदीय दलको नेता र प्रमुख सचेतक परिवर्तन गरिएको जानकारी दिँदै आफूहरु काठमाडौं आइपुगेको जनाएका छन् । आफूलाई संसदीय दलको नेताबाट हटाइएको बारेमा कुनै जानकारी नभएको रञ्जिताले बताएकी छन्। टीकापुरमा बसेर गरेको निर्णय नमान्ने उनको प्रतिक्रिया छ ।
