- २ आश्विन २०८३, शुक्रबार / Sep 18, 2026
एजेन्सी । बम विस्फोटमा परी १८ जनाको ज्यान गएको छ । नाइजेरियाको उत्तरपूर्वी राज्य बोर्नोमा भएको १८ जनाको मृत्यु भएको छ भने ४८ जना घाइते भएका छन् ।
शुरुमा विवाह समारोह, दोस्रो पटक जनरल अस्पताल ग्वोजामा भएको थियो भने तेस्रो विस्फोट अन्त्येष्टि समारोहमा भएको थियो । क्यामरुनको सीमापार रहेको नाइजेरियाली सहरमा एक दशकभन्दा धेरै समयदेखि हिंसा हुँदै आएको छ ।
विद्रोही समूह बोको हरामसँगको द्वन्द्वका कारण ४० हजार जना मानिस मारिएका छन् भने २० लाखभन्दा बढी मानिस विस्थापित भएका छन् ।
स्थानीय राज्य आपतकालीन व्यवस्थापन निकाय (सेमा) का प्रमुखले सन्दिग्ध आत्मघाती आक्रमणकारीले विस्फोट गराएको बताएका सीएनएनले जनाएको छ । तीन पटक लगातार विस्फोट गराईएको थियो ।
