- २६ असार २०८३, शुक्रबार / Jul 10, 2026
काठमाडौं, १३ फागुन । देशभर हाल पश्चिमी न्यून चापीय प्रणालीको सामान्य प्रभाव कायम रहेको छ । मौसम पूर्वानुमान महाशाखा का अनुसार यस प्रणालीको प्रभावले पहाडी तथा हिमाली भूभागमा सामान्यदेखि आंशिक बदली रहेको छ भने अन्य भूभागमा मौसम मुख्यतया सफा रहेको छ ।
आज दिउँसो तराईका केही स्थानमा हुस्सु लाग्ने सम्भावना रहेको छ । कोशी प्रदेश, गण्डकी प्रदेश र कर्णाली प्रदेश का पहाडी तथा हिमाली भूभागमा सामान्य बदली रहनेछ । बाँकी प्रदेशका हिमाली भूभागमा पनि बदली रहने जनाइएको छ भने अन्य पहाडी क्षेत्रमा आंशिक बदली र तराईमा मौसम मुख्यतया सफा रहनेछ ।
महाशाखाका अनुसार बागमती प्रदेश सहित कोशी र गण्डकी प्रदेशका पहाडी तथा हिमाली भूभागका थोरै स्थानमा चट्याङ्गसहित हल्का वर्षा तथा हिमपातको सम्भावना रहेको छ । साथै लुम्बिनी प्रदेश, कर्णाली र सुदूरपश्चिम प्रदेश का पहाडी तथा हिमाली भूभागका एक–दुई स्थानमा समेत हल्का वर्षा र हिमपात हुन सक्ने पूर्वानुमान गरिएको छ ।
रातिको समयमा तराईका केही स्थानमा तुवाँलो लाग्ने सम्भावना रहेको छ । गण्डकी प्रदेशको पहाडी तथा हिमाली भूभाग र बाँकी प्रदेशका हिमाली क्षेत्रमा सामान्य बदली रहनेछ भने अन्य पहाडी क्षेत्रमा आंशिक बदली र तराईमा मौसम मुख्यतया सफा रहने महाशाखाले जनाएको छ ।
त्यसैगरी, कोशी, बागमती र गण्डकी प्रदेशका उच्च पहाडी तथा हिमाली भूभागका एक–दुई स्थानमा राति पनि हल्का वर्षासहित हिमपातको सम्भावना रहेको छ ।
