भर्खरै : Sorry, your browser does not support inline SVG.
पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त | काठमाडौं विश्वकै तेस्रो प्रदूषित सहर, प्रदूषण नियन्त्रणको कार्ययोजना सार्वजनिक गर्दै महानगर |

राहदानी बनाउन सेवाग्राहीको चाप बढ्यो, तोकिएको मिति र समयमा मात्रै उपस्थित हुन विभागको आग्रह

राहदानी बनाउन सेवाग्राहीको चाप बढ्यो, तोकिएको मिति र समयमा मात्रै उपस्थित हुन विभागको आग्रह

काठमाडौं, २५ भदौ । राहदानी आवेदन गर्ने सेवाग्राहीको सङ्ख्या फेरि उल्लेख्य रूपमा बढेको भन्दै राहदानी विभागले आवेदन फाराममा उल्लेख गरिएको मिति र समयमा मात्रै विभागमा उपस्थित भएर सेवा लिन आग्रह गरेको छ ।

विभागले नयाँ राहदानी प्रणाली सुरु भएदेखि नै आमसेवाग्राहीलाई निरन्तर राहदानी सेवा उपलब्ध गराउँदै आएको जनाएको छ । पछिल्लो समय सेवाग्राहीको चाप बढेकाले सेवा व्यवस्थापनमा सहयोग पुर्‍याउन तोकिएको समय पालना गर्न विभागले आग्रह गरेको हो ।

विभागले इजरायलमा रोजगारीका लागि आवेदन दिन सकिने म्याद भोलिसम्म रहेकाले हतार नगरी आफ्नो आवेदन प्रक्रिया अघि बढाउन सेवाग्राहीलाई अनुरोध गरेको छ ।

त्यस्तै, गएको साउन १४ गते राजपत्रमा प्रकाशित सूचनाअनुसार अब जुनसुकै जिल्लाका नागरिकले जुनसुकै जिल्लाबाट राहदानीका लागि आवेदन दिन सक्ने व्यवस्था रहेको विभागले जनाएको छ ।

अत्यावश्यक अवस्थाबाहेक सेवाग्राहीलाई आफूलाई पायक पर्ने नजिकको जिल्ला प्रशासन कार्यालय वा इलाका प्रशासन कार्यालयमा गई राहदानीका लागि आवेदन पेस गर्न विभागले आग्रह गरेको छ ।

सेवाग्राहीको चाप व्यवस्थापन गर्दै सहज र व्यवस्थित रूपमा राहदानी सेवा प्रवाह गर्न सबैले तोकिएको प्रक्रिया तथा समय पालना गर्नुपर्ने विभागले जनाएको छ ।

विभागले अनावश्यक भीडभाड नगर्न र आफ्नो आवेदन फाराममा उल्लेख भएको मिति तथा समयमा मात्रै सम्बन्धित कार्यालयमा उपस्थित हुनसमेत अनुरोध गरेको छ ।

 


Thali Mobile Pvt.Ltd.