भर्खरै : Sorry, your browser does not support inline SVG.
बङ्गलादेशमा राजनीतिक हिंसा चर्कियो, आगजनी र बम विस्फोटका घटनापछि १२४ जना पक्राउ | पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त |

राष्ट्रिय प्रकृति संरक्षण कोषको अध्यक्षमा स्वकीय सचिव नियुक्ति विवादित

राष्ट्रिय प्रकृति संरक्षण कोषको अध्यक्षमा स्वकीय सचिव नियुक्ति विवादित

काठमाडौँ, २ फागुन । प्रधानमन्त्री सुशीला कार्कीले राष्ट्रिय प्रकृति संरक्षण कोषको अध्यक्षमा आफ्नै स्वकीय सचिव आदर्शकुमार श्रेष्ठलाई नियुक्त गर्ने निर्णय विवादमा परेको छ ।

प्रधानमन्त्री कार्की कोषकी संरक्षकसमेत रहनुभएको छ । उहाँले हिजो श्रेष्ठलाई आगामी पाँच वर्षका लागि कोषको अध्यक्षमा मनोनित गर्नुभएको हो । उक्त निर्णय सार्वजनिक भएसँगै विभिन्न राजनीतिक तथा नागरिक समूहले आलोचना गरेका छन् ।

नवयुवा आन्दोलनका अभियन्ताहरूले यो निर्णय आन्दोलनको मूल मर्मविपरीत भएको भन्दै विरोध जनाएका छन् । जेन–जी फ्रन्टकी संयोजक रक्षा बमले वर्तमान सरकारले पनि अघिल्ला सरकारजस्तै नातावाद र कृपावादको गलत नजिर स्थापित गरेको टिप्पणी गर्नुभएको छ ।

त्यसैगरी पूर्वमन्त्री महावीर पुनले प्रधानमन्त्रीले आफ्नै प्रमुख स्वकीय सचिवलाई कोषको नेतृत्वमा नियुक्त गर्नु उचित नभएको बताउनुभएको छ । पुनले सामाजिक सञ्जालमार्फत यस्तो पद स्वीकार नगरी प्रधानमन्त्रीको प्रतिष्ठा जोगाउन श्रेष्ठलाई आग्रहसमेत गर्नुभएको छ ।

उहाँले नातावाद र कृपावादकै कारण पुराना राजनीतिक दलहरू कमजोर बनेको उल्लेख गर्दै नयाँ नेतृत्वले पनि यस्तै अभ्यास दोहोर्याए त्यसको परिणाम उस्तै हुन सक्ने चेतावनी दिनुभएको छ । प्रधानमन्त्रीको निर्णयबारे औपचारिक प्रतिक्रिया भने सरकारले सार्वजनिक गरिसकेको छैन ।

 


Thali Mobile Pvt.Ltd.