उद्धार कार्यमा सक्रिय हुन सम्बन्धित निकायलाई प्रधानमन्त्रीको आह्वान

काठमाडौं । प्रधानमन्त्री पुष्पकमल दाहाल प्रचण्डले बाढीपहिरो र डुवानका कारण भएको जनधनको क्षतिप्रति दुःख व्यक्त गर्दै उद्धार तथा राहतमा सक्रिय हुन सम्बन्धित निकायलाई आह्वान गरेका छन् ।

प्राकृतिक प्रकोपबाट पीडित नागरिकको उद्धार र राहतमा सक्रिय हुन उनले नेपाल सरकारका सम्पूर्ण निकायलाई निर्देशन दिएका हुन् । साथै सम्भावित जोखिमलाई ध्यानमा राखेर आवश्यक सुरक्षा सतर्कता अपनाउन पनि प्रधानमन्त्री प्रचण्डले सम्पूर्ण नागरिकमा अनुरोध गरेका छन् ।