प्रतिनिधिसभा बैठक : कार्यसूचीसहित

काठमाडौं, १ जेठ । संघीय संसदको प्रतिनिधिसभा बैठक आज बिहीबार बिहान ११ बजे नयाँबानेश्वरस्थित संसद भवनमा बस्दैछ। यो बैठकमा आगामी आर्थिक वर्ष २०८२/०८३ को बजेट र नीतिगत प्राथमिकतामाथि छलफल हुने अपेक्षा गरिएको छ।

आजको बैठकका मुख्य कार्यसूची:

विनियोजन विधेयक २०८२/०८३: मङ्गलबारबाट सुरु भएको आर्थिक वर्ष २०८२–०८३ को विनियोजन विधेयकका सिद्धान्त र प्राथमिकतामाथि (कर प्रस्तावबाहेक) छलफल जारी रहनेछ।
वार्षिक प्रतिवेदन पेस:
- अन्तर्राष्ट्रिय सम्बन्ध र पर्यटन समितिका सभापति राजकिशोर यादवले ‘अन्तर्राष्ट्रिय सम्बन्ध र पर्यटन समितिको वार्षिक प्रतिवेदन–२०८२’ पेस गर्नेछन्।
- कानून, न्याय तथा मानवअधिकार समितिकी सभापति बिमला सुवेदीले ‘कानून, न्याय तथा मानवअधिकार समितिको वार्षिक प्रतिवेदन–२०८१/०८२’ प्रस्तुत गर्नेछिन्।