रवि लामिछानेले भने, 'म सुरक्षित छैन'

काठमाडौं । रास्वपाका सभापति रवि लामिछानेले हिरासतमा आफू सुरक्षित नभएको बताएका छन्। बुधबार सिसीटिभीबाट खिचिएको फोटो सामाजिक सञ्जालमा भाइरल भएपछि लामिछानेले आफू सुरक्षित नभएको महसुश गरेको बताएका हुन् ।

बिहीबार बिहानै भेट्न पुगेका रास्वपा कोषाध्यक्ष दीपक बोहरा लामिछानेको भनाई उद्धृत गर्दै बोहराले भने, ‘म सुरक्षित छैन, यिनीहरूले फोटो मात्रै होइन, भिडिओसमेत कतै पठाउँछन् कि जस्तो लाग्छ। छानबिन हुनुपर्छ।’

लामिछानेको हिरासतमा रहेका सिसिटिभी फोटो सार्वजनिक भएपछि कास्की प्रहरीले कसलाई पठायो छानबिन हुनुपर्ने रास्वपाका नेताहरुले माग गरेका छन् ।