भर्खरै : Sorry, your browser does not support inline SVG.
पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त | काठमाडौं विश्वकै तेस्रो प्रदूषित सहर, प्रदूषण नियन्त्रणको कार्ययोजना सार्वजनिक गर्दै महानगर |

रेबिजविरुद्धको खोप अभावले सुदूरपश्चिममा बिरामी प्रभावित

रेबिजविरुद्धको खोप अभावले सुदूरपश्चिममा बिरामी प्रभावित

कञ्चनपुर, २१ जेठ । सुदूरपश्चिम प्रदेशका सरकारी स्वास्थ्य संस्थामा रेबिजविरुद्धको खोप अभाव भएपछि बिरामीहरू समस्यामा परेका छन्।

कुकुर, स्याल तथा अन्य जनावरको टोकाइपछि तत्काल लगाउनुपर्ने रेबिजविरुद्धको खोप सरकारी अस्पतालमा उपलब्ध नभएपछि सेवाग्राहीहरू उपचारबाट वञ्चित हुन बाध्य भएका हुन्।

महाकाली प्रादेशिक अस्पताल का निमित्त मेडिकल सुपरिटेन्डेन्ट डा. अर्जुन भट्टका अनुसार जेठदेखि प्रदेश आपूर्ति केन्द्रबाट खोप नआएकाले सेवा दिन नसकिएको हो।

उनका अनुसार अस्पतालमा दैनिक ४० देखि ५० जना बिरामी खोप लगाउन आउने भए पनि हाल खोप उपलब्ध छैन। “जेठदेखि आपूर्ति केन्द्रबाट खोप नआएकाले सेवा दिन सकिएको छैन,” उनले बताए।

धनगढीस्थित प्रदेश स्वास्थ्य आपूर्ति व्यवस्थापन केन्द्रका अनुसार सुदूरपश्चिम मात्र होइन, देशभर नै रेबिजविरुद्धको खोप अभाव देखिएको छ।

जनस्वास्थ्य अधिकृत महेश भण्डारीका अनुसार कहिलेसम्म आपूर्ति हुन्छ भन्ने यकिन छैन। उनका अनुसार प्रदेशका सेती प्रादेशिक अस्पताल, टीकापुर अस्पताल, महाकाली प्रादेशिक अस्पताल तथा ९ वटै जिल्लाका स्वास्थ्य संस्थामा खोप आपूर्ति हुँदै आएको थियो।

खोप अभावका कारण धेरै बिरामी निजी स्वास्थ्य संस्थामा महँगो शुल्क तिरेर सेवा लिन बाध्य भएका छन्। केही सेवाग्राहीले खोप नपाइने डरका कारण उपचार निरन्तर गर्न समेत चिन्ता व्यक्त गरेका छन्।

 


Thali Mobile Pvt.Ltd.