- २२ असार २०८३, सोमबार / Jul 6, 2026
काठमाडौं, ०२ असार । अख्तियार दुरुपयोग अनुसन्धान आयोगले राहदानी विभागका महानिर्देशक तीर्थराज अर्याललाई पक्राउ गरेको छ ।
आयोग स्रोतका अनुसार पासपोर्ट खरिदसँग सम्बन्धित प्रकरणको अनुसन्धानका क्रममा अर्याललाई नियन्त्रणमा लिइएको हो । उक्त प्रकरणमा व्यवसायी सिद्धार्थ थापाको समेत संलग्नता रहेको बताइएको छ ।
स्रोतका अनुसार यस घटनासँग सम्बन्धित अर्का एक व्यक्तिलाई पनि पक्राउ गरिएको छ। पक्राउ परेका सबैलाई हाल सुरक्षा निगरानीमा राखेर थप अनुसन्धान भइरहेको अख्तियार निकट स्रोतले जनाएको छ । घटनाबारे आयोगले औपचारिक विवरण सार्वजनिक गरिसकेको छैन। अनुसन्धान जारी रहेकाले थप तथ्यहरू क्रमशः सार्वजनिक हुने अपेक्षा गरिएको छ ।
