चोरी पैठारीपछि ७९ करोड असुल गर्दै हदैसम्मको कैद सजाय माग

चोरी पैठारीपछि ७९ करोड असुल गर्दै हदैसम्मको कैद सजाय माग image

काठमाडौं । भन्सार छली गरी झण्डै रु ४० करोड बराबरको मालवस्तुको चोरी पैठारी गरेको आरोपमा फर्म तथा व्यवसायीविरुद्ध मुद्दा दायर भएको छ । राजस्व अनुसन्धान विभागले उनीहरुविरुद्ध बिगो असुल गरी रु ७९ करोडभन्दा बढी रकम असुलको माग गरी हदैसम्मको कैद सजाय हुनुपर्ने भन्दै उच्च अदालतमा मुद्दा दर्ता गरिएको छ ।

सन्दीप ट्रेडर्सका मुख्य कारोबारी दयाशङ्कर चौधरी र उक्त फर्मका प्रोपाइटर विमलावती चौधरीले सबैभन्दा बढी राजस्व छली गरेको पाइएको विभागका सूचना अधिकारी नवराज अधिकारीले बताए । उनीहरूविरुद्ध बिगो मूल्याङ्कन गर्दा रु १२ करोड ८५ लाखबढी बिगोबराबरको राजस्व छली गरेको निष्कर्ष निकालेको छ ।

उक्त ट्रेडर्सको कारोबारसम्बन्धी कागजात तथा विरण विश्लेषण गर्दा विसं २०७९ भदौ देखि २०८० भदौसम्म भिसिटिएस प्रणालीमा प्रविष्टी गरेको विवरणमा रु छ लाख ४९ हजार चार सय बराबरको मालवस्तु खरिद गरेको देखिएको तर भन्सार प्रज्ञापन पत्रलगायतका अन्य विश्वसनीय स्रोत बिना नै करोडौँका मालवस्तु बिक्री गरेको देखिएको छ ।

उक्त ट्रेडर्सले भन्सार चोरीपैठारी गरी राजस्व चुहावट (अनुसन्धान तथा नियन्त्रण ऐन) २०५२ को दफा ३ ले निषेध गरेको कार्य गरेको पाइएको विभागले जनाएको छ ।

Kailashkhabar.com

Kailashkhabar.com

यो नेपाली भाषाको अनलाइन समाचार संस्था हो । हामी तपाईहरुमा देशविदेशका समाचार र विचार पस्कने गर्छौ । तपाईको आलोचनात्मक सुझाव हाम्रा लागी सधै ग्रह्य छ । हामीलाई पछ्याउनुभएकोमा धन्यवाद । हामीबाट थप पढ्न तल क्लिक गर्नुहोस् ।

कैलाश खवर का अरु लेखहरु पढ्नुस्


hotelghyampedanda