रास्वपाले थाल्यो आजदेखि दबाव अभियान

काठमाडौं । राष्ट्रिय स्वतन्त्र पार्टीको ‘राष्ट्रव्यापी दबाब अभियान’ आजदेखि सुरु भएको छ । २१ चैतसम्म चल्ने पहिलो चरणको अभियान आज पार्टी सभापति रवि लामिछानेले उद्घाटन गर्ने रास्वपाले जनाएको छ ।

पार्टी पदाधिकारी र सांसदहरूसहित सिन्धुपाल्चोकको मेलम्चीबाट अभियान उद्घाटन हुने भएको छ । रास्वपाले मेलम्ची खानेपानी आयोजना निर्माणलाई पूर्णता दिन दबाबका लागि आयोजनाको कार्यालय परिसरबाटै अभियानको थालनी हुन लागेको बताए । सिन्धुपाल्चोक–काठमाडौं दबाब यात्राको सांसद सोविता गौतमले अगुवाइ गर्दैछन् ।

दबाब यात्रामा २० सांसद र महामन्त्री मुकुल ढकाल गरी २१ जना सहभागि भएका छन् । सभापति लामिछानेले भरतपुरको ‘नारायणगढ–पुल्चोक गोन्द्राङ’ सडकमा दबाब यात्रा गर्ने अभियानअन्तर्गत पहिलो चरणमा प्रत्येक प्रदेशबाट तीनरतीनवटा योजना छनोट गरी २१ योजना निर्माणका लागि दबाब दिइने रास्वपाले जनाएको छ ।