- १६ जेष्ठ २०८३, शनिबार / May 30, 2026
भक्तपुर । राष्ट्रिय स्वतन्त्र पार्टी (रास्वपा)का सांसदहरुले आजदेखि घरदैलो कार्यक्रम सुरु गरेका छन् । निर्वाचन भएको एक वर्षको अवसरमा आजदेखि तीन दिनसम्म घरदैलो कार्यक्रम गर्न लागेको रास्वपाले जनाएको छ ।
अभियानको क्रममा जनताका सुझाव र गुनासा सुन्ने सहमहामन्त्री कविन्द्र बुर्लाकोटीले बताए । प्रत्यक्ष निर्वाचनतर्फका उम्मेदवार आफ्नो निर्वाचन क्षेत्रमा घरदैलो गर्ने उनको भनाइ छ । समानुपातिक तर्फकाले भने आफ्नो जिल्ला केन्द्रित भएर कार्यक्रम तय गरेका छन् ।
यसैबीच यता भक्तपुरमा भने विहान ७ बजेबाट एमाले पोलिटव्यूरो सदस्य तथा पर्व मन्त्री महेश बस्नेतको वडाबाट रास्वपाले अभियान थालेको छ । सूर्यविनायक नगरपालिका वडा नं. ७ बाट अभियान थालिएको रास्वपा भक्तपुरले जानकारी दिएको हो ।
गुण्डु चोकमा भेला भई अभियान थालिएको छ । सूर्यविनायक एमालेको पकड क्षेत्र मानिएको हो । गुण्डु क्षेत्र एमाले युवा नेता महेश वस्नेतको बसोबास क्षेत्र पनि हो । त्यही वडाबाट जनतालाई कुरा होइन, जनताको कुरा सुन्न घरदैलो सुरु गरिएको एक नेताले बताए ।
