- २४ बैशाख २०८३, बिहीबार / May 7, 2026
काठमाण्डौ, २४ बैशाख । रातो मच्छिन्द्रनाथको रथलाई लगनखेलबाट जावलाखेल तान्ने साइत असार ३ गतेका लागि तय गरिएको छ ।आज बिहान ललितपुरको मंगलबजारस्थित मणिमण्डपमा भेला भएका चार जना ज्योतिषले रथ तान्ने साइत जुराएका हुन् ।
परम्पराअनुसार नरिवल खसाल्ने जात्रा सम्पन्न भएपछि पहिलो हप्ताको बिहीबार रथ जावलाखेल लैजाने साइत हेरिने गरिन्छ ।पुल्चोकबाट सुरु भएको रथयात्रा गाबहाल, सुनधारा हुँदै लगनखेल पुर्याइएपछि साइत हेरेर मात्रै जावलाखेलतर्फ लगिने परम्परा रहेको छ ।
रथ जावलाखेल पुगेको चार दिनपछि प्रसिद्ध भोटो जात्रा मनाइनेछ । रातो मच्छिन्द्रनाथ र मिननाथको रथ असार ३ गते दिउँसोसम्म पाटनको थटिटोल क्षेत्रमा रहने जनाइएको छ ।
