९४ अर्ब ५२ करोड १६ लाख ५४ हजार राजस्व संकलन

पर्सा । चालु आर्थिक वर्षको सात महिनामा वीरगञ्ज भन्सार कार्यालयले ९४ अर्ब ५२ करोड १६ लाख ५४ हजार राजस्व संकलन गरेको छ। सात अर्ब ९५ करोड रुपैयाँले गत आवको सोही अवधिमा संकलित रकममा बढी हो।

औद्योगिक कच्चापदार्थ र पेट्रोलियम पदार्थको आयात बढेसँगै राजस्व संकलन बढेको कार्यालयले जनाएको छ । गत साउनमा १२ अर्ब १५ करोड, भदौमा १३ अर्ब ४२ करोड र असोजमा १३ अर्ब ४७ करोड राजस्व असुली भएको थियो।

यो कार्यालयलाई चालु आवमा दुई खर्ब १८ अर्ब ९५ करोड रुपैयाँ राजस्व संकलन गर्न सरकारले निर्देशन दिएको छ। कार्यालयले यो अवधिमा एक खर्ब २१ अर्ब ८१ करोड ६६ लाख ४६ हजार सङ्कलन गर्ने लक्ष्य निर्धारण गरेको थियो।