- १८ श्रावण २०८३, सोमबार / Aug 3, 2026
ललितपुर, २ बैशाख । ललितपुरको जावलाखेलमा रहेको सदर चिडियाखानामा नयाँ वर्ष २०८३ को पहिलो दिन झण्डै १८ हजार जनाले अवलोकन गरेका छन् ।
चिडियाखानाका सूचना अधिकारी गणेश कोइराला का अनुसार अरू दिनको तुलनामा नयाँ वर्षको दिन आन्तरिक पर्यटकको संख्या उल्लेखनीय रूपमा बढेको हो ।
सामान्य दिनमा दैनिक औसत १५ सय जना चिडियाखानामा घुम्न आउने गरेका छन् भने वर्षभरिमा झण्डै १० लाखले चिडियाखानाको अवलोकन गर्ने गरेका छन् । यसबाट वार्षिक रूपमा करिब १८ करोड रुपैयाँसम्म आम्दानी हुने गरेको बताइएको छ ।
चिडियाखाना बिहान १० बजेदेखि बेलुका ६ बजेसम्म खुला रहनेछ । नेपाली नागरिकका लागि टिकट शुल्क २५० रुपैयाँ निर्धारण गरिएको छ भने बालबालिका र ज्येष्ठ नागरिकका लागि प्रतिव्यक्ति १०० रुपैयाँ लाग्ने व्यवस्था छ ।
त्यस्तै विदेशी पर्यटकका लागि दुई हजार रुपैयाँ र विदेशी बालबालिकाका लागि एक हजार रुपैयाँ टिकट शुल्क तोकिएको छ ।
