- ११ जेष्ठ २०८३, सोमबार / May 25, 2026
काठमाडौँ, १२ फागुन । काठमाडौँमा राष्ट्रिय महिला फुटबल टोलीकी कप्तान सावित्रा भण्डारी ‘साम्बा’को समर्थनमा फ्रेन्स क्लबका खेलाडीले कालोपट्टि बाँधेर विरोध जनाउन खोज्दा मैदान प्रवेशमा रोक लगाइएको छ ।
साम्बाको उपचारप्रति अखिल नेपाल फुटबल संघले पर्याप्त चासो नदिएको आरोप लगाउँदै खेलाडीहरूले खेल सुरु हुनु अघि ऐक्यबद्धता जनाउन कालोपट्टि बाँधेर मैदानमा प्रवेश गर्ने प्रयास गरेका थिए । तर अखिल नेपाल फुटबल संघले कालोपट्टि बाँधेर खेल खेल्नु नियमविपरीत हुने जनाउँदै उनीहरूलाई रोक लगाएको हो । खेलाडीहरूले साम्बाको स्वास्थ्य उपचारप्रति जिम्मेवार निकाय गम्भीर बन्नुपर्ने माग राख्दै प्रतीकात्मक रूपमा विरोध गर्न खोजेका थिए । उनीहरूको कदमलाई साम्बाप्रति ऐक्यबद्धता र समर्थनका रूपमा हेरिएको छ ।
हाल अखिल नेपाल फुटबल संघको आयोजनामा राष्ट्रिय लिगअन्तर्गतका खेलहरू सञ्चालन भइरहेका छन् ।
