सङ्खुवासभाको रिताक आसपास केन्द्रविन्दु भएर ४.१ रेक्टरस्केलको भूकम्प

काठमाडौँ, १० फागुन । सङ्खुवासभाको रिताक आसपास केन्द्रविन्दु भएर भूकम्प गएको छ ।

राष्ट्रिय भूकम्प मापन तथा अनुसन्धान केन्द्र लैनचौरका अनुसार आज बिहान ७ः३१ बजे चार दशमलव एक (४.१) रेक्टरस्केलको भूकम्प गएको हो । भूकम्पबाट के कति क्षति भयो भन्नेबारे हालसम्म यकिन विवरण प्राप्त नभएको जनाइएको छ । स्थानीयवासीले सामान्य धक्का महसुस गरेका छन् ।

यसअघि गत माघ २८ गते लमजुङ जिल्लाको बन्सार आसपास केन्द्रविन्दु भएर ३.९ रेक्टरस्केलको भूकम्प गएको थियो । नेपाल हिमालय क्षेत्रमा पर्ने भएकाले समय–समयमा साना तथा मध्यम प्रकृतिका भूकम्प जाने गरेका छन् ।