संगीत क्षेत्रलाई अझ उचाइमा उठाउने लोकप्रिय गायिका सपना शाहीको सपना

दैलेखकी चर्चित एवं लोकप्रिय गायिका सपना शाहीले संगीत क्षेत्रलाई अझ उचाइमा उठाउने बताएकी छिन् । आइतबार कैलाश खबरसंग कुराकानी गर्दै शाहीले भनेकी छन्, ‘जब मानिसहरूले दोहोरी र देउडालाई गम्भीर रूपमा लिँदैनन्, तब सम्म संगीतको भाव केहो भन्ने कुरा सायदै थाहा पाउँछन् ।

त्यसैले सूदुर तथा मध्यका गीत संगीत जारी राख्न लागि परेकी छु । उनले थपेकी छिन्, ‘ मेरो सांगितिक यात्राको समयमा यस्ता दिनहरुहरू थिए जहाँ म किन गीत गाइरहेको छु, गीतबाट मैले के पाएँ जस्ता मनमा प्रश्न उठीरहन्थ्यो ? तर त्यसो रहेन छ अहिले गीत संगीतले नै सस्कृति बचाइरहेको भान हुन थालेको छ ।’

शाहीले दर्जन बढी गीतमा आवाज दिइससकेकी छिन् । उनले रुनपरेपछि, तीज गीत, देउडा र लाेक दोहोरी गीत गाएर संगीत यात्रा सुरु गरेकी हुन् । अहिले उनी सम्मानित गायिकाको सूचीमै पर्छिन् । जव उनी गाउँन थालछिन्, उनका फ्यानहरूबाट अत्याधिक प्रतिक्रिया पाउँछिन् ।

अनि अझ तिखारिएर गाउँन मन लाग्छ भन्छिन् । उनी भन्छिन्, ‘कयौँ मानिसले मेरा गीत मन पराउँछन् र म त्यसको लागि आभारी छु । चाहे जनवादी हुन या समाज सुवाउदा या पर्यटनका गीत हुन्, या माया पिरतीका गीत हुन् । अबका गीतहरू भने फरक शैली र तरिकाले बनाउने सोच गरिरहेको छु। संगीत जीवन हो बाँचुन्जेल यस क्षेत्रबाट हात नझिक्ने र अन्तिम पटकसम्म पनि नयाँ प्रयास गर्न मन छ।’

जनवादी गीत गाउँन पनि त्यतिकै खप्पिस उनी पछिल्लो समय पर्यटन पर्वद्धनका गीतहरु पनि निकाल्न व्यस्त छिन् । पर्यटनलाई नेपालले चिनेर अघि बढे यसबाट सबैको भलो हुने उनी बताउँछिन् । दैलेखको ठाटीकाँध गाउँपालिका छडाथान स्थायी घर भएपनि उनी कोहलपुरमा बस्दै आएकी छन् ।

गीत संगित क्षेत्रमा योगदान दिएकाे भन्दै थुप्रै पुरस्कार तथा सम्मान हात पारेकि छिन् । पछिल्लो समय काठमाडौंलाई कर्मथलो बनाएर गीत संगीतलाई अगाडि बढाएकी सपना शाहीले हालसालै पर्यटन पर्वद्धनको नयाँ गित सार्वजनिक गर्ने तयारीमा रहेको बताएकी छन् ।

हाल उनी बार्दली खबरको सँस्कृति संरक्षण गरौं, देउडालाई जगेर्ना गरौं भन्ने कार्यक्रमबाट दर्शकको घर आँगन, टिभि, मोवाइल र कम्प्यूटर स्कृनमा समेत छाउने गरेकी छिन् ।सामाजिक सञ्जालमा अहिले विकृति बढेको भन्दै उनले सभ्य र सभ्य बनेर स्टोरी, रिल, पोष्ट गर्न सुझाव दिन्छिन् ।

बौद्धिक मानिसहरूपनि अहिले कता कता नैतिक पतनको बाटोमा लागेका हुन कि ? कसैले फेक आईडी बनाएर सञ्जालमा पोष्ट गरेका हुन छुट्याउनै अप्ठेरो परेको जिकिर गर्छिन् ।

कलाकारले समाजलाई खलबल्याउने भन्दा पनि सभ्य समाज निर्माण गर्न जुट्नु पर्ने अवस्था आएको बताउँछिन् ।सामाजिक सञ्जालमा प्रतिवन्ध लाउनु भन्दा पनि नियमन गर्नु पर्ने धारणा राख्ने शाही श्रोताले के चाहिरहेको छ त्यो कुरा सभ्य तरिकाले गीत संगीतमा ढालेर समाजमा पस्किन सकिने बताउँछिन् ।