सुनको भाउ स्थिर, चाँदी तोलामा ५ रुपैयाँले बढ्यो

काठमाण्डौ । हिजो सुन तोलामा तीन सय रुपैयाँले घटेर तोलाको एक लाख ५० हजार पाँच सय रुपैयाँ कायम भएको थियो भने आज सुनको भाउ आज घटबढ भएको छैन । आज पनि सुन त्यही भाउमा कारोबार भइरहेको नेपाल सुनचाँदी व्यवसायी महासङ्घले जनाएको छ ।

अस्ति मङ्गलवार एकैदिन दुई हजार एक सय रुपैयाँले बढेर सुन अहिलेसम्मकै उच्च भएको र तोलामा बढेर एक लाख ५० हजार आठ सय रुपैयाँ पुगेको थियो । चाँदीको भाउ भने आज बढेको छ । चाँदीको पाँच रुपैयाँले बढेर तोलाको एक हजार सात सय ४० रुपैयाँ कायम भएको महासङ्घले जनाएको छ ।