- ३० असार २०८३, मंगलवार / Jul 14, 2026
मोटरसाइकल दुर्घटना
सुर्खेत । सिम्ता मोटरसाइकल दुर्घटनामा परी ईन्जिनियरको घटना स्थलमै मृत्यु भएको छ ।
सुर्खेतदेखि जाजरकोटतर्फ जाँदै गरेको बा ९५ प– ५२९६ नम्बरको मोटरसाइकल र विपरित दिशाबाट आइरहेको भे १ त– ४५ नम्बरको ट्याक्टर हिजो साँझ सिम्ता गाउँपालिका–६ जामुनेबजारमा एक आपसमा ठोक्किदा वीरेन्द्रनगर नगरपालिका–३ का २९ वर्षीया ईन्जिनियर विजय रानाको मृत्यु भएको जिल्ला प्रहरी कार्यालय सुर्खेत जनाएको छ ।
मृत्तक राना नेपाल ईन्जिनियरिङ एसोसिएसन कर्णाली प्रदेश सदस्य थिए । मोटरसाइकल चालक वीरेन्द्रनगर नगरपालिका–१ का २३ वर्षीय रुपेश गिरीको अवस्था चिन्ताजनक रहेकाे डीएसपी लक्ष्मणबहादुर शाहीले बताए । गिरीको उपचार अहिले सुर्खेत स्थित प्रदेश अस्पताल कालागाउँमा भईरहेको छ ।
ट्याक्टर र चालक बर्दिया बासगढी–३, का २३ वर्षिय राजेश थारुलाई नियन्त्रणमा लिएर अनुसन्धान भइरहेको प्रहरीले जनाएको छ ।
