- ६ कार्तिक २०८३, शुक्रबार / Oct 23, 2026
काठमाडौँ, ३० पुस । सिन्धुलीको घ्याङलेख गाउँपालिका–२ मा सञ्चालित एसबीआई बैंकको शाखामा भएको नगद लुटपाट घटनामा संलग्न भएको आरोपमा प्रहरीले चार जनालाई पक्राउ गरेको छ।
घ्याङलेख गाउँपालिकाको वडा नम्बर–१ बाट चार जनालाई नियन्त्रणमा लिएको सिन्धुलीका एसपी लालध्वज सुवेदीले जानकारी दिएका छन्।लुटपाटमा प्रयोग गरिएको बोलेरो गाडी पनि प्रहरीले बरामद गरेको छ। प्रारम्भिक विवरणअनुसार बैंकको शाखा कार्यालयबाट करिब ३ करोड १० लाख रुपैयाँ लुटिएको छ।
मंगलबार साँझ लुटेराहरूले बैंकका सुरक्षा गार्डमाथि आक्रमण गरी नगद लुटेर भागेका थिए। घटनामा संलग्न अन्य व्यक्ति छन् वा छैनन् भन्नेबारे प्रहरीले थप अनुसन्धान गरिरहेको जनाएको छ।
