- २ भाद्र २०८३, मंगलवार / Aug 18, 2026
भक्तपुर । वालयोगेश्वर विजयमूर्ति महाराजले सामाजिक क्षेत्रमा गरेको पदयात्रा सरानिय रहेको महिला बालबालिका तथा जेष्ठ नागरिक मन्त्रि सुरेन्द्रप्रसाद आचार्यले बताएका छन । शनिबार भक्तपुर चागुनारायण नगरपालिका वडा नं. ९ ताथलीमा सञ्चालित श्रीमदभागवत विराट ज्ञान महायज्ञको सन्ध्याकालीन महाआरतीको कार्यक्रमकमा सहभागी भएका मन्त्रि आचार्यले यस्तो बताएका हुन ।
उनले भने,,“ गुरुले सुरु गरेको हरेक कार्यले मलाई थप ज्ञान र नयाँ जागर दिन्छ , म त्यसैले गुरुको विविध कार्यक्रममा आज सहित ३ पटक सहभागी भैसकेको छु ।”
यस्तै भक्तपुर क्षेत्र नं.२ का सांसद दुर्लभ थापाले विहिबार महायज्ञको समुदघाटन कार्यक्रलाई सम्बोधन गर्दै समृद्ध देशमा बाल आश्रम, बृद्धा आश्रम बनाउने र संरक्षण गर्ने कार्य सरकार स्वयमले गरेतापनि हाम्रो देशमा यस्तो सम्भव नभएको बताए ।
सरकार स्थिर र अर्थतन्त्र बलियो नभएका कारण यस्तो भएको उनको भनाइ छ । सरकारले गर्ने कार्य विजयमूर्ति महाराज श्रीबाट थालनी भएकोमा खुसि लागेको बताए । यस्तै विराट ज्ञान महायज्ञले नगरपालिकाको शिर उच्च बनाएको चाँगुनाराण नगरपालिकाका नगरप्रमुख जीवन खत्रीले बताए ।
चाँगुनारायण नगरपालिका आफैमा धार्मिक स्थलले भरिपूर्ण स्थान भएकाले महायज्ञले पुलको काम गर्ने बताए । जेष्ठ नागरिक आश्रम निर्माण गर्न चाँगुनगरबासी मिलेर साकार गर्ने बताए ।
विराट ज्ञान महायज्ञको पूर्वसन्ध्यामा आयोजना गरिएको कलश यात्रामा हजारौंको सहभागीता रहेको थियो । करिब १ हजार बढी ब्यक्तिहरुको सहभागीतामा विशाल कलशयात्रा सम्पन्न भएको थियो । बिहान करिब ८ बजे छोरीको घर जेष्ठ नागरिक आश्रमको कार्यक्रम स्थलबाट सुरु भएको यात्रा पुनः आश्रममा नै आएर सम्पन्न भएको थियो ।
