सुनकोशी नदीमा हराइ रहेका तीन बालबालिकाको गोताखोरबाट खोजी

काठमाण्डौ । सुनकोशी नदीमा हराइ रहेका तीन बालबालिकाको खोजी भैरहेको छ । होली खेलेर सुनकोशी नदीमा नुहाउन जाँदा बेपत्ता भएका उदयपुरको त्रियुगा नगरपालिका– १४ साउनेका तीन जनाको खोजी भइरहेको प्रहरीले जनाएको हो ।

बेपत्ता हुनेहरुमा त्रियुगा १४ साउनेका ११ वर्षीया रेखा मगर, ८ वर्षीय लोकबहादुर मगर र ७ वर्षीय रिदम मगरको जिल्ला प्रहरी कार्यालय उदयपुरले जनाएको छ ।

आइतबार दिउँसोदेखि बेपत्ता भएका बालबालिका खोज्न सशस्त्र प्रहरी बलको गोताखोर परिचालन गरिएको छ । ९ जना गोताखोर सहितको टोलीले खोजी गरिरहेको सशस्त्र प्रहरीले जनाएको छ ।