उडिरहेको विमानबाट भ्याल गायव भएपछि उडान अवरुद्ध

ओरेगन । उडानका क्रममा विमानको झ्याल गायव भएको छ । अमेरिकामा उडानका क्रममा विमानको भ्याल गायव भएको घटना बाहिर आएको हो । अलास्का एयरलाइन्सले आफ्ना सबै ६५ ‘बोइङ ७३७ म्याक्स ९’ विमानलाई ‘अस्थायी रूपमा’ उडान गर्नबाट यो घटना बाहिर आएपछि रोकेको हो ।

पोर्टल्याण्ड (ओरेगन) बाट अमेरिकाको ओन्टारियो (क्यालिफोर्निया) जाँदै गरेको अलास्का एयरलाइन्सको विमानको एक भाग हावाको चापमा विमानबाट अलग भएको थियो । तर, यो विमान सकुशल अवतरण भएको थियो ।

स्थानीय समय अनुसार शुक्रबार साँझ यो घटना भएको हो । अलास्का एयरलाइन्सले जारी गरेको विज्ञप्तिमा १७१ यात्रु र ६ जना चालक दलका सदस्य बोकेको विमान पोर्टल्याण्ड अन्तर्राष्ट्रिय विमानस्थलमा सकुशल अवतरण भएको बताइएको छ । अलास्का एयरलाइन्सले यी सबै विमानहरूको जाँच गर्ने र त्यसपछि मात्र उडान गर्न अनुमति दिने बताएको छ।