- २२ असार २०८३, सोमबार / Jul 6, 2026
मकवानपुर । भन्सार छलि गरेर ल्याउँदै गरेको अवस्थामा ७७ लाख मूल्य बराबारको अवैध कपडा र मोवाइल प्रहरीले बरामद गरेको छ । पूर्व पश्चिम लोकमार्ग सडक खण्डमा सवारी चेकजाँच गर्ने क्रममा उक्त मूल्य बराबरका समान बरामत गरेको हो ।
लोथरबाट हेटौडा आउँदै गरेको बागमती प्रदेश बिएडी ४३७० नम्वरको गाडीलाई मनहरी गाउँपालिका वडा नं ७ मा चेकजाँच गर्ने क्रममा भन्सार छलि ल्याइएका, बिलबिजक नभएका साडी, कुर्तासुरुवाल, टि सर्ट, पाईन्ट, जुत्ता लगायतका २ हजार ७ सय ४४ थान लत्ताकपडा र बिभिन्न कम्पनीका ८२ थान मोबाईल सेट बरामत गरेको जिल्ला प्रहरी कार्यालय मकवानपुरका प्रहरी प्रवक्ता लक्ष्मी भण्डारीले बताए ।
अहिले थप अनुसन्धान भइरहेको भण्डारीको भनाइ छ । सामानसहित प्रहरीले उदयपुर त्रियुगा नगरपालिका वडा नं १३ बस्ने बर्ष २८ का चालक राजकुमार चौधरीलाई नियन्त्रणमा लिई आवश्यक अनुसन्धान तथा कारबाहीका लागि राजश्व अनुसन्धान कार्यालय पथलैया, बारा पठाईएको छ । ती सामान पर्साको ठोरी नाकाबाट भित्राइएको बुझिएकाे छ ।
