दुई करोड नगदसहित तीनजना पक्राउ

काठमाडौं । दुई करोड नगदसहित तीनजना पक्राउ परेका छन् । हुन्डी र अवैध सुन कारोबारको आरोपमा उनीहरुलाई पक्राउ गरिएको हो । क्षेत्रपाटीस्थित नरेश अग्रवालको घरमा छापा मारेर नगदसहित पक्राउ गरिएको राजस्व अनुसन्धान विभागले जनाएको छ ।

पक्राउ परेका अग्रवाल कपडा व्यवसायी पनि हुन् । अग्रवालको घरबाट दुई हजार अमेरिकी डलर पनि बरामद गरिएको विभागले जनाएको छ । विभागको टोलीले बिहीबार राति अग्रवालसहित तीनजनालाई हुन्डी र सुन कारोबारको आरोपमा पक्राउ गरेको हो ।