- ३१ आश्विन २०८३, शनिबार / Oct 17, 2026
काठमाडौँ, २२ बैशाख । सरकारले संस्कृति, पर्यटन तथा नागरिक उड्डयन मन्त्रालयअन्तर्गतका विभिन्न निकायमा कार्यरत ३३ जना पदाधिकारीलाई एकैपटक पदमुक्त गरेको छ।
मन्त्रालयले प्रेस विज्ञप्ति जारी गर्दै सार्वजनिक पदाधिकारीको पदमुक्तिसम्बन्धी विशेष व्यवस्था अध्यादेश, २०८३ को दफा २ उपदफा (१) अनुसार मन्त्रिपरिषद्बाट नियुक्त पदाधिकारीहरूलाई हटाइएको जनाएको हो।
विज्ञप्तिअनुसार पदमुक्त हुने निर्णय २०८३ वैशाख १९ गतेदेखि लागू भएको छ। यससँगै मन्त्रालय मातहतका विभिन्न बोर्ड, समिति तथा निकायमा कार्यरत पदाधिकारीहरूको जिम्मेवारी समाप्त भएको हो।
सरकारले हालै ल्याएको अध्यादेशअनुसार मन्त्रिपरिषद्बाट नियुक्त पदाधिकारीहरूलाई आवश्यकतानुसार पदमुक्त गर्ने व्यवस्था गरिएको छ। सोही व्यवस्थाअनुसार यो निर्णय कार्यान्वयनमा ल्याइएको मन्त्रालयले स्पष्ट पारेको छ। पदमुक्त गरिएका पदाधिकारीहरूको विस्तृत सूची मन्त्रालयले सार्वजनिक गरेको छ।
