- ३० असार २०८३, मंगलवार / Jul 14, 2026
काठमाडौं । त्रिभुवन विश्वविद्यालयमा सरकार संरक्षित संगठनले आतंक र गुन्डागर्दी मचाएको सात विद्यार्थी संगठनले आरोप लगाएका छन् । अखिल क्रान्तिकारी, अनेरास्ववियू, अखिल समाजवादीसहित सात विद्यार्थी संगठनले संयुक्त विज्ञप्ती जारी गर्दै त्रिविका पदाधिकारीहरूमाथि हमलाको प्रयास र प्राध्यापकहरूलाई धम्की आएकोप्रति आपत्ति जनाए ।
नेपाल संस्कृत विश्वविद्यालयका उपकुलपतिले प्रधानमन्त्री केपी ओलीको ठाडो हस्तक्षेपमा राजीनामा दिएको घटना यसको पछिल्लो उदाहरण हो भन्दै सत्ता समर्थित पार्टीका भ्रातृ संस्थाका सरकार र प्रशासन संरक्षित यस्ता कार्यबाट ज्ञान उत्पादनको केन्द्रमा प्राध्यापकहरूले नै ज्यान जोगाउन कठिन हुने
अवस्था सिर्जना हुनु र विश्वविद्यालयमा आतंकको स्थिति सिर्जना हुनुको पछाडि सरकारको स्पष्ट संलग्नता पुष्टि भएको ति संगठनको आरोप छ । देशका सबै विश्वविद्यालयमा राजनीतिक हस्तक्षेप बन्द गर्न र प्राध्यापकहरूमाथि आक्रमण गर्ने गुन्डाहरूलाई पक्राउ गरी कडा कारबाही गर्न विशेष माग गरेको छ ।
