भर्खरै : Sorry, your browser does not support inline SVG.
पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त | काठमाडौं विश्वकै तेस्रो प्रदूषित सहर, प्रदूषण नियन्त्रणको कार्ययोजना सार्वजनिक गर्दै महानगर |

त्रिविका सबै परीक्षा केन्द्रमा सीसी क्यामरा अनिवार्य, व्यवस्था नगरे केन्द्र परिवर्तन हुने

त्रिविका सबै परीक्षा केन्द्रमा सीसी क्यामरा अनिवार्य, व्यवस्था नगरे केन्द्र परिवर्तन हुने

काठमाडौँ, १७ असाेज । त्रिभुवन विश्वविद्यालय, परीक्षा नियन्त्रण कार्यालयले वार्षिक परीक्षा प्रणालीअन्तर्गत सञ्चालन हुने परीक्षाका लागि सबै परीक्षा केन्द्रमा सीसी क्यामरा जडान अनिवार्य गरेको छ ।

त्रिवि केन्द्रीय परीक्षा सञ्चालक समितिको २०८३ साल भदौ ३ गते बसेको बैठकको निर्णयअनुसार अब परीक्षा केन्द्रमा सीसी क्यामरा अनिवार्य रूपमा जडान गर्नुपर्ने भएको हो । परीक्षा सञ्चालन कक्ष, उत्तरपुस्तिका सिलबन्दी गर्ने कक्ष तथा परीक्षा केन्द्रको प्रवेशद्वारको सम्पूर्ण दृश्य स्पष्ट रूपमा देखिने गरी क्यामरा जडान गर्नुपर्ने कार्यालयले जनाएको छ ।

जडान गरिएका सीसी क्यामरामा कम्तीमा डेढ महिनासम्मको दृश्य रेकर्ड सुरक्षित रहने व्यवस्था गर्नुपर्नेछ । साथै, उक्त रेकर्डको अनुगमन गर्न सम्बन्धित परीक्षा नियन्त्रण कार्यालयलाई पहुँचसमेत उपलब्ध गराउनुपर्ने सूचनामा उल्लेख छ ।

परीक्षा सञ्चालनका क्रममा हुने गतिविधिको निगरानी तथा परीक्षा व्यवस्थापनलाई थप व्यवस्थित बनाउन यस्तो व्यवस्था गरिएको हो । परीक्षा नियन्त्रण कार्यालयले आगामी दिनमा वार्षिक परीक्षा सञ्चालन गर्दा सीसी क्यामरा जडान तथा अनुगमनसम्बन्धी व्यवस्था अनिवार्य रूपमा पालना गर्न सबै परीक्षा केन्द्रलाई सूचित गरेको छ ।

तोकिएबमोजिम सीसी क्यामराको व्यवस्थापन नगर्ने वा परीक्षा नियन्त्रण कार्यालयलाई अनुगमनको पहुँच उपलब्ध नगराउने परीक्षा केन्द्र परिवर्तन गर्न सकिने चेतावनीसमेत कार्यालयले दिएको छ ।

 


Thali Mobile Pvt.Ltd.