टर्कीको संसदमा सांसदहरुबीच कुटाकुट

काठमाडौं । टर्कीको संसदमा सांसदहरुबीच कुटाकुट भएको छ । जेलमा रहेका विपक्षी नेता क्यान अटालेको अवस्थाबारे छलफल गर्दा संसदमा सांसदहरूबीच कुटाकुट भएको हो ।

वामपन्थी वर्कर्स पार्टी (टीआईपी)का सांसद अहमद सिकले रोस्टममा भाषण गर्दै गर्दा राष्ट्रपति रसेप तैयप अर्दोगानको सत्तारुढ एके पार्टीका सदस्य अल्पे ओजालानले थप्पड हान्न खोजेपछि विवाद शुरु भएको हो । दुई जनाको विवादकै क्रममा सांसद अहमद सिक भुईमा खसेपछि अवस्था तनावग्रस्त भएको थियो ।

अधिवक्ता तथा मानव अधिकारकर्मी केइन अटालेले यस वर्षको शुरुमा भएको चुनाव हारेका थिए । सांसद सिकले सत्तारुढ एक पार्टीका सांसदको आक्रमण धाँधलीका कारण अटालेले चुनाव हारेको बताएपछि आजको विवाद शुरु भएको बीबीसी हिन्दीले जनाएको छ ।

केइन अटालेलाई २०२२ मा १८ वर्षको जेल सजाय सुनाइएको थियो, त्यसपछि उनले जेलबाटै चुनावमा उम्मेदवारी दिएका थिए । एजेन्सी